Sotto sifarişlərin üçdə birini veb-saytdan əldə etməyə necə nail oldu

Münasib qiymətli, orijinal və hər zaman məşğul

Sotto sərfəli qiymətə əsl Neapolitan pizzası təklif edir. Gərgin iş saatlarında Sotto-nun həmtəsisçisi Mikko Aitto-oja və komandası restoranda cəmi iki-üç nəfərlə saatda 80–90 müştəriyə xidmət göstərirlər. Bura elə bir yerdir. Sürətli, doyumlu, astronomik qiymət tələb etmədən yaxşı yemək təklif edən.

Buna mane olan hər şey Sotto-nun dəyərlərinə tamamilə ziddir.

İnsanlar Sotto-nu internetdə tapırdılar. Sifariş vermək imkanı isə yox idi. 

Keçən yaz Mikko veb-sayt trafikində bir tendensiya müşahidə etdi. İnsanlar Sotto veb-saytına daxil olur, menyuya baxaraq vaxt keçirir, sifariş vermədən çıxırdılar.

“Saytımıza baxış sayı yüksək idi, saytımızın qonaqlarını real müştərilərə çevirmək istəyirdik. Amma onları yönləndirə biləcəyimiz yer yox idi", - Mikko Aitto-oja deyir.

Onlayn sifariş mümkün olmadığına görə insanlar restorana zəng edirdilər. Gərgin iş saatlarında telefon diqqət tələb edən əlavə yükə çevrilir. Komanda həftəsonu təxminən 100 zəngi cavabsız qoyurdu, əhəmiyyət vermədiyimizə görə yox, tam gücü ilə işləyən mətbəxdəki iki nəfər hər dəfə zəngə cavab vermək üçün işini dayandıra bilmədiyinə görə.

O dövrdə istifadə etdikləri sifariş sistemi vəziyyəti daha da pisləşdirirdi. "Köhnə sistemimiz tez-tez donurdu. İstifadəsi nə müştərilər, nə də bizim üçün asan idi," – Sotto-nun tərəfdaşı Mikael Yokinen deyir.

Mikko nəyinsə dəyişməli olduğunu anlayır. Amma nəyin yolverilməz olduğunu da dəqiq bilirdi.

"Ən əsası odur ki, restorandakı əməkdaşlara əlavə narahatlıq yaratmaq istəmirəm. İş prosesi rəvan olmalıdır", - Mikko Aitto-oja bildirir.

Niyə Wolt Storefront məntiqli seçim idi

Sotto illərdir ki, Marketplace vasitəsilə Wolt ilə əməkdaşlıq edirdi. Mikko prosesin müştərilər üçün necə asan olduğunu şəxsən görmüşdü və bu, onun üçün vacib idi.

"Wolt ilə sifariş qəbulu, iş prosesi və sistemin inteqrasiyası ilə bağlı yaxşı təcrübəmiz var. "Bu imkanı veb-saytımıza baxan insanlara da təqdim etmək istəyirdik", - Mikko Aitto-oja deyir.

Wolt Storefront ilə tanış olduqda Mikkonu cəlb edən sistemin praktikliyi oldu. Storefront restoranlara öz veb-saytları və başqa onlayn kanallar vasitəsilə birbaşa sifariş qəbul etməyə imkan verir, Wolt isə arxa planda ödənişləri və sifarişlərin izlənməsini idarə edir. Mətbəx üçün daxil olan sifarişlər adi Wolt sifarişlərindən heç nə ilə fərqlənmir. Yeni nəsə öyrənmək, yeni bir proses idarə etmək lazım deyil.

"Artıq Wolt sistemi quraşdırıldığından restoranda öyrəniləcək yeni bir şey yox idi. İş prosesi artıq mövcud idi. Heç bir dəyişiklik olmadı", - deyə Mikko Aitto-oja bildirir.

Bir neçə həftəyə işlək vəziyyətə gəldi

Wolt ilə ilk söhbətdən bir neçə həftə sonra Sotto artıq veb-saytından sifariş verən real müştərilərə xidmət göstərirdi. Mikko sifariş linkini öz kanallarına Meta, TikTok və "Google" profillərinə də əlavə edərək, müştəriləri zəng etmək əvəzinə birbaşa onlayn sifarişə yönləndirməyə başladı.

"Storefront istifadə etdiyimiz ilk gündən anladıq ki, bəli, bu, ən doğru seçimdir. Sistem çox rahat işləyir və məhz bu yolla davam etmək istəyirik", – Mikko Aitto-oja deyir.

Sotto üçün nə dəyişdi

Müştərilər üçün sifariş vermək asanlaşdı. Hesab yaratmağa ehtiyac yoxdur, ödənişi Apple Pay və Google Pay ilə edə bilərsiniz, ödənişdən sonra isə sifarişi izləyə bilirsiniz. Wolt müştəri dəstəyini də arxa planda idarə edir, buna görə də hər hansı problem restoran müdaxilə etmədən həll olunur.

"Məni ən çox təəccübləndirən bu oldu. Müştərilərlə ünsiyyət sistemə çox yaxşı inteqrasiya olunub," deyə Mikko Aitto-oja qeyd edir.

Komanda üçün əsas dəyişiklik zəng sayının azalması idi. Sotto hər zaman müştərilərin gəlib götürəcəkləri sifarişləri vermək üçün fasiləsiz zəng etdikləri bir yer olub. Gərgin iş günlərində bu, mətbəxdə çalışan əməkdaşdan tez-tez işindən ayrılıb zəngləri cavablandırmağı tələb edirdi. Daha çox müştəri onlayn sifarişə keçdikcə, komanda bütün diqqətini yeməklərin hazırlanmasına və restorandakı qonaqlara xidmət göstərməyə yönəldə bildi.

"Hər həftəsonundan sonra sistemdə təqribən 100 cavabsız zəng olurdu. İndi isə bütün həftə ərzində buraxılmış zənglərin sayı bəlkə də 30 və ya 40-a qədər düşüb", - deyə Mikko Aitto-oja bildirir.

Bütün sifarişlərin üçdə biri və üç yeni restoran

Sotto-nun sifarişlərinin üçdə biri hazırda Wolt Storefront vasitəsilə qəbul edilir. Bu pay onsuz da mövcud olan sadəcə reallaşa bilməyən trafik hesabına əldə olundu.

Eyni dövrdə Sotto restoranlarının sayı dörddən yeddiyə yüksəldi. Storefront sifarişləri komandanın artıq istifadə etdiyi sistem vasitəsilə qəbul olunduğundan yeni məkanların açılması prosesin yenidən qurulmasını və ya işçilərin yenidən öyrədilməsini tələb etmirdi.

"Satışlarımızı artırmaq üçün verdiyimiz ən doğru qərarlardan biri məhz Storefront-un əlavə edilməsi oldu. Daha çox satış daha çox qazanc deməkdir. Bir ildə restoranların sayını ikiqat artırdıq", - Mikko Aitto-oja deyir.