Како интеграцијата со ПОС-систем го поедноставува секојдневното работење на вашиот ресторан
Дознајте како функционира интеграцијата на Wolt со ПОС-систем, што менува во работењето на вашиот ресторан и како да го поврзете ПОС-системот за да го поедноставите секојдневното работење.
Pasqyrë e përgjithshme
- Pasqyrë e përgjithshme
- Што е ПОС-систем?
- Што е интеграција со ПОС-систем?
- Што е посреден софтвер?
- Што се менува откако ќе го поврзете својот ПОС-систем?
- Што не се менува
- Пред да започнете
- Колку време трае поставувањето?
- Подготвени сте да го поврзете својот ПОС-систем?
Ако користите „место на продажба“, т.е. ПОС-систем за работењето на вашиот ресторан, можете да го поврзете директно со Wolt или преку некој од нашите партнери за посреден софтвер.
Интеграцијата со ПОС-систем овозможува вашите нарачки, менија и деловни информации автоматски да се синхронизираат, за да трошите помалку време на ажурирање на повеќе системи и да имате повеќе време да им се посветите на своите гости.
Во овој водич ќе објасниме што претставува интеграцијата со ПОС-систем, како функционира, што менува во вашето секојдневно работење и како да започнете.
Што е ПОС-систем?
„Местото на продажба“, т.е. ПОС-системот е местото од каде што управувате со секојдневното работење на својот ресторан. Ви помага:
да примате и управувате со нарачки
да ја следите продажбата
да управувате со менијата
да ги ажурирате работното време и онлајн статусот
да ги следите резервите
Многу ресторани веќе користат ПОС-систем како централна алатка за управување со работењето.
Рестораните со интегриран ПОС-систем најчесто* бележат:
43% помалку откажани нарачки
41% попрецизни информации за достапноста на артиклите, благодарение на синхронизираните менија
15% поголема просечна вредност на нарачката
*во споредба со слични локали што не се интегрирани
Што е интеграција со ПОС-систем?
Интеграцијата со ПОС-систем безбедно ја поврзува вашата сметка на Wolt Merchant со вашиот ПОС-систем (или добавувач за посреден софтвер), овозможувајќи информациите автоматски да се синхронизираат помеѓу двата система.
Наместо да ажурирате информации на повеќе места, со сè управувате преку системот што веќе секојдневно го користите.
Што е посреден софтвер?
Понекогаш, добавувачот на посреден софтвер (MWP-middleware provider) служи како посредник помеѓу различни деловни системи и им овозможува автоматска размена на информации. Во зависност од вашата конфигурација, можете да ги поврзе својот ПОС-систем, системите за плаќање, алатките за управување со резервите, податоците за клиентите и Wolt.
Што се менува откако ќе го поврзете својот ПОС-систем?
Интеграцијата со ПОС-систем може да го направи понепречено секојдневното работење.
Што се менува | Што значи тоа за вас |
Помалку уреди | Управување со нарачките преку својот ПОС-систем наместо преку повеќе таблети |
Автоматски тек на нарачките | Автоматско пристигнување на нарачките во вашиот ПОС-систем |
Помалку рачна работа | Нема потреба повторно да ги внесувате нарачките или да ажурирате повеќе системи |
Централизирано управување со менито | Ажурирајте го менито еднаш, а промените автоматски ќе се синхронизираат. |
Работно време и достапност | Управувајте директно преку својот ПОС-систем наместо преку одделни алатки |
Управување со повеќе канали | Управувајте со нарачките за достава и за подигнување од различни платформи, сè на едно место |
Автоматско прифаќање нарачки | Wolt може автоматски да ги прифаќа нарачките во ваше име, така што вашиот персонал нема потреба да презема никакви дополнителни активности |
Помалку грешки | Намалете ги грешките предизвикани од рачно внесување |
Поефикасно работење | Персоналот може да се фокусира на подготовката и на послужувањето на нарачките |
Поддршка за интеграција | Вашиот добавувач на интеграција и Wolt можат да ви помогнат доколку ви е потребна поддршка |
Што не се менува
Интеграцијата со ПОС-систем автоматизира голем дел од секојдневните задачи, но за неколку работи и понатаму е потребно вашето внимание:
Редовно ажурирајте ги менито, цените и модификаторите
Управувајте со работното време и достапноста на артиклите
Продолжете да ги следите своите вообичаени процеси за фактурирање и за финансиско работење
Имајте предвид дека ако во вашиот ПОС-систем има неточни информации, истите автоматски ќе се синхронизираат и со Wolt.
Пред да започнете
Пред да го поврзете својот ресторан, проверете дали ги имате следниве предуслови:
активен договор за партнер-трговец со Wolt
поддржан ПОС-систем или добавувач на посреден софтвер
целосно поставено мени во вашиот ПОС-систем или на платформата за посреден софтвер
Вашиот добавувач на ПОС-систем или добавувач на посреден софтвер може да потврди дека сè е подготвено пред да започнете.
Колку време трае поставувањето?
Ако вашиот добавувач на ПОС-систем веќе го поддржува Wolt, контактирајте со вашиот добавувач на ПОС-систем/посреден софтвер за следните чекори и конкретните рокови за поврзување на вашиот ресторан.
Ако е потребно да се изгради нова интеграција, процесот може да трае од неколку недели до неколку месеци, во зависност од вашата техничка конфигурација и од добавувачот.
Одрекување од одговорност: Поднесувањето барање за интеграција не гарантира негово одобрување. Wolt го задржува правото, по сопствено наоѓање, да го разгледа, одобри или одбие секое барање за интеграција.
Вашиот контакт во Wolt и партнерот за интеграција ќе ве водат низ целиот процес.
Подготвени сте да го поврзете својот ПОС-систем?
Ако сакате да го поврзете својот ресторан со Wolt преку некој од нашите партнери за интеграција, контактирајте со својот контакт во Wolt. Ќе ви помогнеме да проверите дали вашиот ПОС-систем е поддржан и ќе ве водиме низ следните чекори.
Често поставувани прашања
Дали сè уште ми е потребен таблет од Wolt?
Во многу случаи, не. Нарачките можат директно да пристигнуваат во вашиот ПОС-систем, со што се намалува потребата од дополнителни уреди. Конкретниот начин на поставување зависи од вашиот партнер за интеграција.
Дали моето мени автоматски ќе се ажурира?
Да. Откако интеграцијата ќе биде активна, промените што ќе ги направите во вашиот ПОС-систем автоматски ќе се синхронизираат со Wolt.
Дали интеграцијата може да спречи грешки?
Таа помага да се намалат грешките при рачно внесување, но не може да ги исправи неточните информации. Ако менито или цените во вашиот ПОС-систем не се точни, неточни ќе бидат и на Wolt.
Дали ми е потребно техничко знаење?
Вообичаено, не. Вашиот добавувач на ПОС-систем и Wolt ќе ве водат низ процесот на поставување.
Кој треба да биде вклучен во поставувањето?
Вообичаено, ќе соработувате со својот добавувач на ПОС-систем или на посреден софтвер, вашиот контакт во Wolt и лицето задолжено за управување со ПОС-системот во вашиот ресторан.