Udhëzues për Wolt Drive Web
Mënyra më e thjeshtë për të nisur dërgesat me Wolt Drive. Pa integrim, pa kod, pa angazhim.
Wolt Drive Web është një portal web i përshtatshëm për celularë që mund ta përdorësh nga çdo pajisje, pa pasur nevojë të shkarkosh ose instalosh diçka. Nëse mund të plotësosh një adresë dorëzimi dhe një numër telefoni, mund të përdorësh Wolt Drive për të kryer dërgesa.
Përmbledhje
- Çfarë të duhet për të filluar
- Dy portale: drive.wolt.com dhe corporate.wolt.com
- Si të krijosh një dërgesë
- Gjurmimi i dërgesës
- Të duhet ndihmë?
A është Wolt Drive Web zgjidhja e duhur për ty?
Wolt Drive Web është një zgjidhje e shkëlqyer nëse:
Nuk ke flotën tënde të dërgesave dhe dëshiron të fillosh menjëherë, pa konfigurim teknik apo investim
Ke flotën tënde, por të duhet kapacitet shtesë kur ajo është e ngarkuar, e padisponueshme ose gjatë orëve me fluks të lartë
Merr porosi me telefon, në dyqan ose përmes rrjeteve sociale dhe nuk ke një faqe interneti apo aplikacion për integrim
Po pret që integrimi me Wolt Drive API të aktivizohet dhe ndërkohë dëshiron të kryesh dërgesa
Dëshiron të paguash vetëm për dërgesat që kryen, pa tarifa të fshehura dhe pa angazhim
Nëse preferon që dërgesat të integrohen drejtpërdrejt në procesin e pagesës online, Wolt Drive API ose një shtesë për e-commerce mund të të përshtatet më shumë.
Çfarë të duhet për të filluar
Shumë pak. Për të përdorur Wolt Drive Web të nevojitet:
Një llogari në Wolt Drive. Këtë do ta krijojë ekipi yt lokal i Wolt Drive. Mund të kërkosh akses këtu.
Një pajisje çfarëdo me një shfletues interneti: laptop, tablet ose telefon. Nuk duhet të shkarkosh asgjë.
Të dhënat e dërgesës për çdo porosi: ku do të dërgohet dhe kush është marrësi.
Dy portale: drive.wolt.com dhe corporate.wolt.com
Wolt Drive përdor dy portale të ndryshme. Është e rëndësishme të dish se cili përdoret për secilën detyrë:
drive.wolt.com është portali që përdoret në aktivitetin e përditshëm. Këtu krijon dërgesa, plotëson të dhënat e marrësit dhe ndjek porositë në kohë reale. Ky është ekrani që ekipi yt do ta ketë të hapur gjatë orarit të punës.
corporate.wolt.com është portali i administrimit të brendshëm. Këtu menaxhon bizneset dhe përdoruesit, cakton nivelet e aksesit, kontrollon historikun e dërgesave dhe akseson faturat dhe raportet.
Në varësi të rolit tënd, mund të përdorësh njërën ose të dyja. Operatorët e dyqaneve zakonisht përdorin drive.wolt.com ; menaxherët dhe pronarët përdorin gjithashtu corporate.wolt.com për të mbikëqyrur vendndodhjet dhe për të kontrolluar faturat.
Si të krijosh një dërgesë
Kur merr një porosi, ja se si të dërgosh një korrier:
1. Hyr në drive.wolt.com.
2. Zgjidh New Delivery (Dërgesë e re).
3. Konfirmo informacionin e marrjes. Ky është vendi ku korrieri do të marrë porosinë.
4. Plotëso drop-off information (informacioni i dorëzimit):
Address (Adresa): Vendos adresën e dorëzimit të marrësit.
Instructions for the courier (Udhëzime për korrierin - opsional): Shto çdo gjë që e ndihmon korrierin që të gjejë vendndodhjen, siç është kodi i derës, numri i katit ose emri i apartamentit.
Name of receiver (Emri i marrësit) dhe phone number (numri i telefonit).
💡Këshillë: Kontrollo dy herë numrin e telefonit. Korrieri e përdor atë për të kontaktuar klientin dhe aty dërgohet linku për ndjekjen e dërgesës.
5. Te Delivery details (Detajet e dërgesës), zgjidh orën e dorëzimit:
As soon as possible (Sa më shpejt të jetë e mundur): Dërgesa do të kryhet brenda 60 minutave të ardhshme. Nëse të nevojiten disa minuta për të përgatitur porosinë para se të mbërrijë korrieri, përdor funksionin How much time do you need? (Sa kohë të duhet?) për të caktuar kohën e përgatitjes.
Schedule for later (Planifiko për më vonë): Zgjidh një orë ose ditë specifike për dorëzimin.
6. Nëse dërgesa ka ndonjë kërkesë të veçantë, ndrysho Additional details or requirements (Detajet ose kërkesat shtesë) në Yes (Po):
Delivery type (Lloji i dërgesës): Zgjidh Card on delivery (Pagesë me kartë në dorëzim) nëse korrieri duhet të marrë pagesën nga klienti në momentin e mbërritjes, ose Large or heavy delivery (Dorëzim i madh ose i rëndë) për artikuj të mëdhenj ose të rëndë, pasi kjo siguron që ne të dërgojmë partnerin e duhur korrier për detyrën.
Delivery requirements (Kërkesat e dërgesës): Përzgjidh PIN code check (Verifikimi me kod PIN), Age check (Verifikimi i moshës) ose No-contact delivery (Dorëzim pa kontakt) sipas nevojës.
Unique reference number (Numri unik i referencës - opsional): Shto ID-në tënde të porosisë për ta lidhur këtë dërgesë me regjistrimet e tua.
7. Konfirmo kërkesën. Korrieri do të caktohet për të marrë porosinë nga vendndodhja jote.
💡 Informacione të dobishme: Zakonisht dorëzimet “sa më shpejt të jetë e mundur” mbërrijnë në më pak se një orë. Nëse planifikon paraprakisht, klienti yt do të marrë sërish të njëjtin link automatik gjurmimi, kështu që mund të komunikosh me siguri kohën e dorëzimit.
Gjurmimi i dërgesës
Sapo një dërgesë të jetë rrugës, klienti merr automatikisht një link gjurmimi të drejtpërdrejtë që tregon vendndodhjen e korrierit dhe orën e parashikuar të mbërritjes. Ti mund të ndjekësh të njëjtin status në drive.wolt.com. Pasi të dorëzohet porosia, do të marrësh një konfirmim të dorëzimit, në mënyrë që të dish gjithmonë kur një porosi të jetë kryer.
Të duhet ndihmë?
Nëse ke pyetje ose has ndonjë problem, ekipi i suportit është në dispozicion. 96% e bisedave vlerësohen si “të shkëlqyera”, me kohë përgjigjeje zakonisht nën një minutë. Mund t'i kontaktosh në çdo kohë nëpërmjet corporate.wolt.com.